Maiatzean zehar hainbat ekintza eta erakusketa egongo dira ikusgai Orozko Museoan. Lehena maiatzaren 16tik 21era bitartean egingo da eta 'Orozko Rock iraganean' izeneko erakusketa izango da. Aurtengo jaialdia ere maiatzean izango da, hilaren 19an eta 20an, beraz, jaialdiko egunetan ere egongo da ikusgai erakusketa. Erakusketaren gehigarri bezala, mahai ingurua egingo da hilaren 20an. 'Euskal musika gure garaian' izango da solasaldiaren gaia eta goizeko 12:30ean hasiko da museoan.

Bigarren erakusketa maiatzaren 23an hasiko da; baina, ekainaren 11ra arte ez da bukatuko. Garelekok, Orozkoko Athleticeko peñak, antolatu du eta Athletic Club taldearen 125. urteurrenaren ingurukoa izango da. Gaiari jarraipena emateko asmoz, maiatzaren 26an, Athletic Clubeko jokalari ohia den Andoni Goikoetxearen, liburuaren aurkezpena egingo da museoan bertan.