Wavingek udal-ekoizpen zentroan garatutako proiektua du abiapuntu, eta marrazkiaren, ikus-entzunezkoen eta eskulturaren arteko pieza batzuk planteatzen ditu. Eskulturaren eta zinemaren tolesduran, film edo bideo gisa ikusten denaren kalitate material eta espazialera itzultzen da, irudi batzuen gainean argia proiektatzeko mekanismo bat agerian uzten da. Irudikapen zinematografikoan, mugimenduak formari datxekiola dirudi; forma da eta egiten du, forma. Pentsamendu zinematografiko bat beste hedabide batzuei aplikatuz, gorputz irudi hedatu bat arakatzen du, lausoagoa, mugagabeagoa, inguru argirik gabea.
MARTA VAN TARTWIJK
Marta van Tartwijk Crespo (Bartzelona, 1990) arte-lizentziaduna da UCMn, eta ESABen (Frantzia), UBn, A* Desk eskolan eta Francisco Alcantara zeramika-eskolan osatu zuen bere prestakuntza. Hainbat erakusketa egin ditu INJUVE, TEA, La Capella, Sala de Arte Joven, Fabra i Coats, Sant Andreu Contemporani eta Matadero erakundeetan, besteak beste. Egoitzak egin ditu Bilbao Arte y Dos Mares Fundazioan. Era berean, Getxoarte edo Miquel Casablancas Sariko finalista izan da, eta Arte Plastikoetako Zirkutuetan saritua.
Oharra: 2024ko martxoaren 22an, arratsaldeko 19:00etan, BilbaoArteko URIBITARTE40 Aretoak Marta Van Tartwijken «Waving» ekoizpen propioko erakusketa inauguratuko du, 2023an zentroan beka jaso zuena. Inaugurazio programaren barruan bisita gidatua egingo da martxoaren 23an, 12:30ean, egilearekin, doan.
