Haziberriren 4. edizioa!

Uztailaren 17an berezko xarma duen Gernikako Europako Herrien parkean arratsalde gau magikoa bizitzeko proposamena dakargu:

Gorka Urbizuk bere bakarkako lehen lana aurkeztuko du: Hasiera bat. Bere musikak eta parkeak bat egingo dute denon gozamenerako. Olatz Salvador donostiarrak partekatuko du eszenatokia berarekin.

Eskaintza musikala osatzeko Zuga musikari gernikarra eta Broken Brothers Brass Band izango ditugu atseden gunean. Lehenak festibalari emango dio hasiera eta Iruñeatik datorren taldeak afaltzeko tartea girotuko du.

Ordutegia:

• 18:15 ateen irekiera.

• 18:40 ZUGA atseden gunean.

• 20:00 OLATZ SALVADOR kontzertu gunean.

• 21:15 afaltzeko tartea. BROKEN BROTHERS BRASS BAND atseden gunean.

• 22:45 GORKA URBIZU kontzertu gunean.

Oharrak:

• Euria egiten badu, uztailaren 18ra pasatuko da.

• Jatekoa eta edatekoa egongo da.

• Ekarri zure sarrera formatu digitalean.

• Zaindu dezagun parkea guztion artean.