Kultur programaren 29. edizioaren egitarauaren barruan.

Pepe Yanci lesakarra Euskal Herriko trikitilari eta musikaren erreferentzia nagusietako bat izan da. Haren jaiotetxean aurkitutako maletatxo batean hainbat proiektu sorrarazi dituzten partitura eta dokumentu batzuk aurkitu zituzten; horien artean, Lesakako musika-bandarena, eta musika eta konposizio ezagunenak ezagutzera emateko, partituren liburu bat argitaratu du. Iñaki Dieguez soinujoleak eta Xabier Leturia pandero-joleak omenaldi-kontzertu hau sortu dute. Dieguez (Irun 1973) 9 urterekin hasi zen akordeoia ikasten A.M. Beliorekin, eta laster nabarmendu zen lehiaketa garrantzitsuetan sariak irabaziz. Europa osoan eta Estatu Batuetan barrena kontzertuak eman ditu, eta musikari klasiko gisa ibilbide oparoa egin ondoren, musika modernoan oinarritu da. Xabier Berasaluze “Leturia” (Billabona, Gipuzkoa, 1954) pandero-jolea da. Izen artistikoa Billabonan bera jaiotako Leturia baserritik datorkio. Laurogeiko hamarkadan, Tapia eta Leturia trikitixa bikotea osatu zuten, oso ezaguna urte haietako euskal musikaren giroan. Gaur egun, jada erretiratuta badago ere, honako hau bezalako kolaborazioetan eta Korrontzin ere jotzen du noizbehinka.