Udako ikastaroak 2024 UPV/EHU: "56ko belaunaldia, Jakin Taldea eta Joxe Azurmendi"

Donostia-San Sebastián 2024(e)ko uztailaren 29(e)tik 2024(e)ko uztailaren 30(e)ra
  • Udako ikastaroak 2024 UPV/EHU: "56ko belaunaldia, Jakin Taldea eta Joxe Azurmendi"

Bere iragana ezagutzen ez duen herri batek ezin du etorkizunik eduki eta, hortik abiaturik, Uda Ikastaro honen helburua Euskal Herriaren bilakaeran esanahi berezia izan duen garai bati behatzea da. Berau 1956ko belaunaldiaren garaia da, modu zabal eta malguan ulertu behar dena, non Jakin taldeak orokorrean eta, horren baitan, Joxe Azurmendik bereziki aparteko garrantzia duten. Horiek denek, beste batzuekin batera, euskal hizkuntzaren, kulturaren eta herriaren aldeko ekosistema moduko bat osatu zuten, zeinaren ondorio onuragarriak gaurdaino ere iritsi diren.

Uda Ikastaro hau, preseski, Joxe Azurmendi Katedrak antolatu du, hain zuzen, Gipuzkoako Foru Aldundiak eta Euskal Herriko Unibertsitateak elkarrekin sortutako Katedrak. Hauxe da beraren helburu nagusia: “Joxe Azurmendiren eta 1956ko belaunaldiko kideen obra eta pentsamendua ikertzea, ustiatzea eta transmititzea” eta “euskal pentsamenduak eta euskal gizarteak bere garapenerako behar duten masa kritikoa indartzea”. Katedraren helburu horren haritik ulertu behar da, preseski, gure Ikastaroaren azken asmoa ere.

Aurrean dugun erronka, orokorrean esanda, euskal pentsamendua garatzen joatea da eta, esan bezala, horretarako ezinbestekoa da pentsamendu horren historia aztertzea eta ezagutzea. Alde askotatik begiratuta, 1956ko urtea berezia izan zen: gogora ditzagun, adibidez, orduan ospatutako Arantzazuko “Euskaltzaleen Biltzarra” edota Parisko “Euskal Batzar Orokorra”. Hori horrela, abiapuntu gisa urte hori hartuz, baina horretan geratu gabe, Ikastaro honen helburua hau da: garai horretan euskararen herriari begira jorratutakoa gogora ekartzea.

HELBURUAK

  • Orokorrean 1956ko belaunaldiak euskal hizkuntzaren, kulturaren eta herriaren garapenaren alde egindakoak ezagutzea.
  • 1956tik aurrera Jakin taldeak eta Joxe Azurmendik euskal kultura eta pentsamendua sustatzeko egin dituztenak gogora ekartzea.
  • Euskaldunon etorkizunari begira 1956ko garaiak izan duen garrantzia ulertzeko informazioa eta baliabideak eskaintzea.
  • 1956ko testuinguruan literaturaren bitartez transmitituriko pentsamendua ulertzea eta aztertzea.

 

NORI DAGO ZUZENDUTA

  • Público en general
  • Alumnado universitario
  • Estudiantes no universitarios
  • Profesorado
  • Profesionales

ZUZENDARIAK

Iñaki Zabaleta Gorrotxategi | UPV/EHU, HEFA

Kristina Lasa Otxoteko | UPV/EHU, HEFA

HIZLARIAK

  • Jakin Fundazio agirre agirre | Jakin, Zuzendaria
  • Joseba Agirreazkuenaga Zigorraga | UPV/EHU
  • Paulo Agirrebalzategi
  • Alaitz Aizpuru Joaristi
  • Miren Karmele Azkarate Villar
  • Haritz Azurmendi Arrue
  • Eneko Bidegain Aire
  • Idurre Eskisabel Larrañaga | UPV/EHU, irakaslea
  • Hairtz Garmendia Iturria | EHU
  • Paulo Iztueta Armendariz
  • Ibai Iztueta Azurmendi | Irale
  • Emilio Majuelo
  • Juan Carlos Moreno Cabrera
  • Andoni Olariaga Azkarte | Iratzar
  • Agurtzane Ortiz Lopetegi | Elkar
  • Lourdes Otaegi Imaz | UPV/EHU
  • Mari Jose Telletxea Tolosa

 

Programa osoa (pdf)

uik.eus

Laburrean

  • Mota Formakuntza
  • Data 2024(e)ko uztailaren 29(e)tik 2024(e)ko uztailaren 30(e)ra
  • OrdutegiaUztailak 29, 08:45-13:30 // Uztailak 30, 09:00-13:35
  • LekuaCarlos Santamaría Zentroa - Elhuyar plaza 2, 20018
    Donostia-San Sebastián
  • Zenbatekoa25 / 71 €
  • Sarrerak Erosi
  • HizkuntzaEuskara

Non