Donostiako 2024ko Aste Nagusi Pirataren barruan.

2024ko Aste Nagusi Piratak 16 kontzertu eskainiko dituen musika egitaraua antolatu du abuztuaren 10etik 17ra bitartean.

Abuztuaren 14an, asteazkena, Bulego pop-taldearen txanda izango da. Azpeitian 2019an jaiotako banda honek ibilbide musikal meteorikoa izan du; Euskadi Gaztea irratiko zerrendetan lehen postura iritsi da hainbat aldiz, eta beraien abestietako bat 2021eko udako kantua izan zen, musikan espezializatutako irrati horrek egindako hautaketan. Besteak beste, Bilbao BBK Live eta Sonorama jaialdietan parte hartu dute.