2024ko Mapamunditarrak ekimenaren barne.

Anne-Laure Boyer-ek Atarrabiako Batan-en aurkeztu du artistak XX. mendean zehar Espainian urtegi hidraulikoen eraikuntzaren eragina jasan zuten ehun herriri eskaini zien ikerketa-prozesu luze baten emaitza diren lanen multzoa.

Mapez, prentsa-ebakinez edo testigantzez osatutako artxibo zabal bat eraikiz, Anne-Laure Boyer-ek urpean etxeak eta lurrak desagertu zitzaizkien herrien memoria kolektiboa berregitea bilatzen du. Gainera, bere filmen, marrazkien eta instalazioen bidez, ahanzturatik eta suntsipenetik salbatu nahi duen istorio komun bat azalarazten saiatzen da artista, lehorte garaian bezala, herri abandonatuen aurriak azalean berragertzen dira.