Azteazken honetan, irailak 18, Ignacio Martínez de Pisónen "Ropa de casa" obraren aurkezpena egingo da Bidebarrieta Kulturgunean.
Zaragozako idazleak Bilboko Udaleko kultur gune honetan egingo duen topaketa 19:00etan hasiko da, Bidebarrietako Liburutegiko Ekitaldi Aretoan. Sarrera librea izango da lekua bete arte.
«"Ropa de casa"-ren irakurleak gazte arrunt baten erretratua aurkituko du, ez altua ez baxua, ez ederra ez itsusia, ez ona ez txarra, baina istorioak kontatzen jakiteko dohainaz hornitua. Dohain hori neure buruari kontatzeko baliatzea zen nire asmoa. Niri kontatzeko eta, batez ere, garai bat kontatzeko» azaltzen du Martínez de Pisónek bere memoriak biltzen dituen lan honi buruz. Bere editorialak, Seix Barralek, honela aurkezten du: "gure narratibako egilerik sendoenetako baten formazio-erretratu liluragarria, espainiar gizarteak bizi izandako aldaketa sakonak islatzen dituzten memoria literarioak, oso denbora gutxian diktadura arraro batetik Europan integratzen den demokrazia finkatu batera igarotzen dena".
Ignacio Martínez de Pisón hamabost liburu baino gehiagoren egilea da, eta horien artean honako hauek nabarmentzen dira: "La ternura del dragón" (1984); "Carreteras secundarias" (1996); "El tiempo de las mujeres" (2003); "Dientes de leche" (2008) – San Clemente Saria eta Giuseppe Acerbi Saria jaso zituen-; "El día de mañana" (2011) – horrekin Kritikaren Saria, Bartzelonako Ciutat Saria eta Aragoiko Letren Saria-; "La buena reputación" (2014)-
Espainiako Narratiba Saria eta Kalamo Sari Nazionala -; "Derecho natural" (2017); "Fin de temporada" (2020) eta "Castillos de fuego” (2023)” - Babelia, ABC, La Razón, El Periódico, La Vanguardia, El Cultural, La Lectura, Ara, RTVE, El Confidencial, El Español eta The Objective bezalako bitartekoek, besteak beste, urteko libururik hoberena izendatua-.
Halaber, "Enterrar a los muertos" (2005) – Rodolfo Walsh eta Dulce Chacon sariak eskuratu zituen eta kritikak aho batez goraipatu zuen Europako hainbat herrialdetan- eta “Filek. El estafador que engañó a Franco” (2018) ere argitaratu ditu. Halaber, "Aeropuerto de Funchal" (2009) kontakizun-liburua eta bere memoriak idatzi ditu "Ropa de casa" (2024) izenburupean. Bere obra dozena bat hizkuntzatara itzuli da.
BIDEBARRIETA KULTURGUNEA Bidebarrietako Liburutegiak kultura zabaltzeko duen gunea da. Bere helburuen artean literatura, ezagutza eta dibulgazio zientifikoa sustatzea dago.
