Badatorkigu EHTE ikastaroen eskaintza berria.

Oraingoan, lau saiotan banatutako ikastaro bakarra eskaintzen du EHTEk: "Erritmoaren garrantzia. Trikitixan ondorio praktikoak, kantua eta dantza egoki laguntzeko".

Dantzarako jotzeko modua aztertu eta moldatu nahi da ikastaro honekin, parean dagoenaren beharretara egokitzen ikasiz.

"Zertarako ari naiz jotzen? Bakarkakoan, entzulego bati, dantzariari...

Zer lortu nahi dut? Entzulegoa hunkitzea, abestea, dantzan hastea...

Horretarako nola moldatu eta markatuko dut doinua?

Bikaintasunerantz gerturatzen saiatuko gara, ezagupenez eta lanketaz, jotzeko moduan nabaritu dadila ezberdintasuna.

Erritmikaren, perkusio-laguntzaren eta melodiaren garrantziaz jabetzen saiatuko gara, adibide praktikoekin, ariketekin, plazetan ohikoak diren doinuekin.

Ulertuz, sentituz eta emanez".

Patxi Montero

16 ordu, 4 saiotan banatuta (4 ordu saio bakoitza).

IRAKASLEA: Patxi Montero.

NON: Azpeitiko Basazabal jauregian, Enparan kalea 18 eta Asteasuko Otardi Landa aterpetxean.

NOIZ:

• Irailaren 28an (Azpeitia)

GAIA: Erritmoaren/perkusioaren garrantziaz

• Urriaren 26ean (Asteasu)

GAIA: Musikatik mugimendura

GAIA: Oinarrizko erritmo eta ostinatoak

• Azaroaren 9an (Azpeitia)

GAIA: Gure plazetako ohiko dantzak I

• Azaroaren 30ean (Azpeitia)

GAIA: Gure plazetako ohiko dantzak II

ORDUTEGIA: 9:00etik 13:00era.

PREZIOA: 150,00 € ikastaro osoa (bazkideek % 15eko deskontua)

(ikastaroa online jarraitzeko aukera – EZ zuzenean)

Izen emateak eta informazio gehiago trikitixa@trikitixa.eus helbidera idatzita irailaren 25a baino lehen (hau barne). Izen emate mugatua edukieraren arabera.