Sorgin bat eta erraldoi bat ogro batekin geratuak dira jolasteko. Bidean, euren gorputz eta arropekin barre egiten duten hainbat pertsonaia ezagutuko dituzte eta ondorioz, beren gorputzak zalantzan jartzen dituzte. Hortaz, kritikak jasotzen dituzten heinean, magiaren bitartez haien gorputza aldatzen dute, gaur egungo kanonetan oinarrituz. Ostean, guztiz aldatuta iristen dira ogroa ezagutzera. Berak ez ditu ezagutzen, haserretu egiten da eta haiekin jolastu nahi ez, eta alde egiten du. Berraztertzen dute egoera eta magiaren bidez, lehen zeuden modura itzultzen dira. Orain, ogroa pozik dago bere lagunak ezagutzen dituelako eta elkarrekin jolasten dira.

Ene Kantak talde arrakastatsuko Eneko eta Nereak proiektu berria abian dute eta beti bezala, euskara, irria, lana, ilusioa eta pasioa jarriko dute oholtzan “DANTZAN” ikuskizun berezi honetan.