2024ko Dantzan Bilaka jaurdunaldien barne.
IZEN-EMATEA: (15€) urriaren 9ra arte info@addedantza.org-en.
Ozen pentsatuz, geure burua eta gainontzekoak entzun ditzakegu. Pentsatzen dudana entzutean, aldatu egiten da airearen hezetasunagatik, eta besteek entzuten dutelako. Beharbada hori, topaketa hori, leku ona litzateke bizitakoa gogoratzeko, egindakoa birpentsatzeko eta irudikatutakoa berridazteko.
Denboran elkarrekin bidaiatzeko gonbidapena da tailer hau, sorkuntza prozesuan gertatzen diren aldaketa txikietan eta ia ohartezinak diren mudatzeetan arreta jarriz. Iparrorratz-praktikak garatzea da asmoa, laguntza izan dadin gure burua kokatzeko, zer egin dugun eta zer egiten ari garen kontatzeko eta nondik eta norantz egiten dugun antzemateko edo aurkitzeko.
Rosa Casado Artista-ikerlaria. Bere lanak praktika performatiboekin erlazionatutako gaietan jartzen du arreta, praktika espazialetan, ekologian eta gizatiarraren-ez gizatiarraren elkarrekiko performatibitatean. Ekitaldi performatibo eta eszenikoa “leku” modura ulertuta, azken urteetan “lekuaren zentzu zabaldua” sortzeko aukera ikertzen du, proposamen eszeniko eta esku-hartze artistikoen bidez. Mike Brookes artistarekin elkarlanean, mundu zabalean aurkeztu diren hogeitik gora proiektu sortu ditu.
Doktorea da Performance Garaikidean eta Praktika Espazialetan, eta ikerketa, pedagogia eta bidelaguntza proiektuetan parte hartzen du sarri.
Erromako Espainiako Akademiako Arte Eszenikoen bekadun izan da, eta Azkuna Zentroa-Alhóndiga Bilbao-ko ikertzaile AZ kidea da egun.
