Urriaren 14an, astelehena, Bilbok Gabriel Aresti poeta bilbotar ospetsuaren omenezko Egun Instituzionala ospatuko du. Horrela, bere izena daraman Kontakizun Lehiaketaren XLI edizioaren banaketa ekitaldiaz gain, Bilboko Udalak bere obra eta irudia gogoratu nahi ditu Bidebarrieta Kulturguneko espazioan egingo den errezitaldi musikal batekin.

Hitzordua euskaraz izango da eta arratsaldeko 19:00etan hasiko da Liburutegiko Areto Nagusian. Zuzeneko emanaldian Maite Larburuk (ahotsa, gitarra eta biolina), Carlos Taroncherrek (klarinetea) eta Karlos Aranceguik (bateria) hartuko dute parte.

“Harri eta Herri" poema liburuaren 60. urteurrena dela eta, musikariek lan horretan oinarritutako errezitaldi musikatua eskainiko dute. 1964an argitaratutako poema-liburua inflexio-puntua izan zen euskal poesiarentzat, modernitatean sartzea bultzatu baitzuen. Arestik lagunarteko hizkera erabili zuen bere poemetan, hiri-girotzearekin eta ikuspegi sozialarekin. Horrez gain, jende arruntaren bizipenak jorratzen zituzten gaiak eta bere barne-pentsamenduak adierazten zituzten beste batzuk tartekatu zituen.

Gabriel Arestik ipuinak, poesia, antzerkia, eleberria idatzi zuen, baita Federico García Lorca ere, T.S. Elliot edo Boccacio bezalako autoreak itzuli ere. Gainera, euskaltzain izan zen, eta euskara batua sortzearen alde egin zuen. Euskararen erabilera irauli zuen eta bere konpromiso soziala agerian geratzen da bere obra guztietan.

Errezitaldira joan nahi dutenek Bilbao Kulturaren webgunean erreserbatu ditzakete gonbidapenak.

BIDEBARRIETA KULTURGUNEA Bidebarrietako Liburutegiak kultura zabaltzeko duen gunea da. Bere helburuen artean literatura, ezagutza eta dibulgazio zientifikoa sustatzea dago.