Kontzertu honetan Egin leku! Musikari hasiberrientzako plaza deialdian aukeratutako bi taldek parte hartuko dute, Zuga Gernikako bakarlaria, eta Bermeotik datorkigun Aizoo taldea.
EGIN LEKU! Musikari hasiberrientzako deialdia musikaren munduan lehen pausuak euskaraz ematen ari diren hasiberriei zuzendutako deialdia da, modu profesionalean diskorik grabatu ez dutenentzat. Lehen urratsak ematen ari diren musikariei leku bat eskaintzeko helburua duen egitasmoa da, edozein musika estiloan bai bakarka zein taldean.
ZUGA: Zuga musika egitasmoa 2021. urtean sortzen da Gernikako Iparragirre Rock Elkarteko entsegu lokaletan. Hainbat taldetan ibili ondoren bere bakarkako ibilbideari hasiera emateko helburua izanik eratzen da Asier Zugadik gidaturiko proiektu hau. Helburua, pop kutsuko abesti soilak lantzea da bakarka nahiz lagunen laguntzaz. Abesti sinple baina sakonak lantzen dira bertan. Orain gutxi plazaratu du bere lehen bideoklipa Maite Artajo Iruñeako arte zuzendariaren gidaritzepan. Momentu honetan, bakarlaria bere lehen lan luzea prestatzen dabil, honek 2024 urte amaieran argia ikusiko duelarik.
AIZOO: Aizoo orain dela urtebete sortutako taldea da. Bikote moduan hasi zena, uda honetan hirukote bihurtu dugu, baxujole baten indar eta kontundantzia behar genuen eta. Izan ere, lehen disko bat grabatzeak exijitzen duena askotan horixe baita. Identitate bat bilatzen duen talde oro bezala, genero musikal zehatz baten kokatu nahi izan dugu gure burua babes bila agian, baina influentzi kopurua ez da txikia izan. Beraz, hauek guztiak bateratzea antzeman dugu irtenbide bezala. Konposaketa prozesua amaitu eta gero generoa definitzea? Zinez espero dugu inork lan hori egitera ez derrigortzea.
