Abenduaren 3tik 10era, herritarrak gonbidatuta daude Egiturazko pobrezia erakusketaren sormen prozesuan parte hartzera, Obretan irekia jardueraren bidez. Proposamen honek, abenduaren 10ean Montehermoso Kulturunean egingo den inaugurazio ofizialaren aurrekoa, publikoari erakusketaren muntaketara hurbiltzeko eta ideiak erakusketa-esperientzia nola bihurtzen diren deskubritzeko aukera emango dio.

Abenduaren 4a, asteazkena, izango da ekitaldi honen egun nagusia, 9:00etatik 17:00etara, artistak eta muntaia-taldea aretoan elkarrekin egongo direlako. Erakusketa sortzeko prozesua gertutik bizitzeko une aproposa da.

Bisitariek Laborategia aretoa ere arakatu ahal izango dute, erakusketaren gaia testuinguruan kokatzeko eta sakontzeko diseinatutako etengabeko bilakaeran dagoen gunea. Areto honetan egiturazko pobreziari buruzko materialak eta baliabideak aurkeztuko diraeta jendeari gogoeta egitera eta ikuspegiak, ideiak eta materialak partekatzera gonbidatuko zaio.

Erakusketak problematika global hori hainbat ikuspegitatik jorratzen duten bertako zortzi artisten ikuspegiak biltzen ditu.