"PABLO SARASATE" MUSIKA KONTSERBATORIO PROFESIONALAREKIN ELKARLANEAN.

Zuzendaria: J. VICENT EGEA.

2025ean La Pamplonesak Gayarren emango duen lehen kontzertuak Bandaren apustu pedagogikoari eusten dio, oraingoan Iruñeko "Pablo Sarasate" Musika Kontserbatorio Profesionalarekin. Ikasketa hauetarako egindako jatorrizko musikaz osatutako errepertorioa da, orkestrazio liruragarri eta oso erritmikoekin, haizezko eta perkusiozko instrumentuen azken ikasturteetako ikasleek beren prestakuntzarako beharrezkoa den exijentzia maila altuko proiektu honetan parte har dezaten. Programa oso erakargarria da, bandarako konpositore nagusienetarikoen lehen mailako obrekin, hala nola Alfred Reed estatubatuarraren Camino Real obra ikusgarria.