Donostiako Jazzaldia 2025 jaialdiaren egitarauaren barne.

Luis Miró (pianoa), João Marcus Fontenla (kontrabaxua), Ager Alzola (bateria), Miguel Velasco (saxo tenorra)

Miguel Velascoren konposizio originaletan oinarritutako proiektu musikala da Velasquartet. Gai bakoitzak sentsazio edo sentimendu jakin bat partekatu nahi du entzuleekin, eguneroko bizitzako ohiko egoerei buruz aurrez pentsatutako ideietan oinarrituta; bazter utzi ezin ditugun ideiak, gizakion ezaugarri komunak islatzen dituztenak.

Jazz modernoa da talde honen errepertorioaren estiloa eta, besteak beste, Mark Turner, Walter Smith III eta Immanuel Wilkins artisten eragina jasotzen du, baita Jazzaren historia markatu duten musikariena ere, tartean John Coltrane eta Wayne Shorterrena.

Bizitzaren gorabeherei aurre egiteko modurik onenetako bat musika delako uste sendoan oinarritzen diren konposizioak.