2026ko LUMAfest! jaialdiaren edizioa martxan dago.

Helburua gazteen sorkuntza sustatzea da. Gure ekimena irakurleei zuzentzen zaie, baina baita sortzaileei ere, ideiak eta obrak sortzen dituenari eta adierazteko irrikaz dagoenari.

Parte-hartzeko:

• Lehiaketan parte hartzeko epea 2026ko urtarrilaren 28an hasiko da eta martxoaren 17an amaituko da 23:59an.

ETORKIZUNA(K) (singularrean nahiz pluralean erabiltzeko aukera dago) hitza barne hartzen duen eta gehienez 240 karaktere dituen mikrokontakizuna idatzi behar da.

Instagramera edo X-era igo #lumafestibalamikros traola erabiliz eta @lumafestibala aipatuz.

Parte-hartze pribatuak ere onartuko dira, lanak info@lumafestibala.com helbidera korreoa bidaliz.

Jaialdira gonbidatutako egileek, finalisten artean, irabazleak aukeratuko dituzte: bi euskaraz eta bi gaztelaniaz. Modalitate bakoitzean bi adin-tarte ezarriko dira: 14-17 eta 18-21, eta egile bakoitzak sari bakar bat jasotzeko aukera izango du. Zure kontaketa laburra argitaratzerakoan, bidal iezaguzu mezu pribatu bat zein adin-tartetan sartzen zaren adieraziz. Irabazleek 180 euroko bonu bat jasoko dute, liburuak erosi ahal izateko.

• Laster, informazio gehiago egitarauari buruz.