Helduentzako txotxongilo-ikuskizun bat da El Verdugo. José Luisen istorioa kontatzen du, ehorztetxe bateko langilegazte eta lotsatia. Egun batean, kartzelan egiten ari den zerbitzu batean, Amadeo izeneko borrero bat ezagutuko du. Trama korapilatu egingo da José Luisek bere alaba Carmen eta Amadeo elkarrekin harrapatu, eta ezkontzera behartzen dituztenean. Haatik, arazo ekonomikoen ondorioz, Amadeori bururatuko zaion soluzio bakarra José Luis borrero bihurtzea izango da.
Heriotza-zigorraren eta haren mekanismo ilunen aurkako aldarrikapen sutsu honek agerian uzten du garai bateko Espainian nagusi zen zitalkeria morala, mirabekeria, matxismoa eta aukerarik eza. Txotxongilo-ikuskizunengatik ezaguna den El Espejo Negro konpainiak egin du antzerki-egokitzapea, Luís GarcíaBerlanga eta Rafael Azconaren izen bereko filmean oinarritua. Ikuskizun originalak, probokatzaileak eta berritzaileak eskaintzen dituzte, teknikoki bikainak, konpainiaren bereizgarri den hizkuntza garratz eta burlatiarekin.
