Batez ere haur eta gaztetxoei zuzendutako emanaldia izango da.

Kontzertu berezi honek bi zati izango ditu.

Lehenengoan Hamelingo Txistularia ipuina musikatuko dute, Miel Guridi narratzailearen laguntzarekin. Eta bigarren zatian super-bingo musikatua egingo dute, Potx eta Izaskun-en laguntzarekin; entzuleek kartoi bana izango dute eta bingoan jolastuko dute, baina zenbakien ordez abestiak ezagutu beharko dituzte.

Bigarren zati honetan Oñatiko Banda Gaztea-k ere parte hartuko du, guztira 80 bat laguneko banda osatuz. Pilotalekua ere bereziki apainduta eta girotuta egongo da, eta bandako kideak ere super-heroi jantzita egongo dira.

Kontzertua, ohi bezala, eguerdiko 13:00etan hasiko da, eta sarrera (3€) ordaindu beharko da.
Aurrez Txokolateixan eta www.oñati.eus atarian eskuratu ahal izango dira.