Antoni Benaiges zen maisua, 1934an Burgosko Bañuelos de Bureba herrixkako landa-eskolara iritsitako maisu kataluniar gaztea. Iritsi eta gutxira, bere poltsikotik ordaindu zituen gramofono bat eta inprenta xume bat. Horri esker, neska-mutilak euren emozioak, ametsak eta pentsamenduak argitaratzen hasiko dira. 1936ko urtarrilean El mar. Visión de unos niños que no lo han visto nunca argitaratuko dute; bertan, neurtitzetan hitz lauz baino gehiago, ikusi ez duten itsasoa nola imajinatzen duten deskribatzen dute. Udan itsasoa ezagutzera joango direla promesten die maisuak, Kataluniara. 1936ko uztailaren 25ean Benaiges fusilatua izan zen. Maisuaren promesa ezin izan zen bete.
Sortzaile gisa izan dugun lehenengo topaketa honetan, hierarkiarik gabe uztartu ditugu objektuak, poemak eta material dokumentala.
