Jaun-andreok! ES-PUTOk ahutzak ireki ditu munduko kabaret petardo, korrosibo eta isekarienean gu digeritzeko...! Orain, zuen aurrean, transformismoaren izar oparo, sakon eta subertsiboa den MARIANNA TRAVELO, haragi-eztanda, izugarria eta atsegingarria, ospe txarreko tugurioen kantari ohia... Marianna kabaret berezi honen zeremonia-maistra da. Goma-aparrez eta itsasgarriz egina, ez dio inoiz uko egingo bere benetako txotxongilo-izaerari. Konpainiako artistak , fantasiarik sinesgaitzenetik irtendako pertsonaia horiek, aurkeztuko ditu. El Espejo Negrok hitzordu magiko bat du zuekin guztiekin, barre, arte, probokazio eta zentzumenetarako gonbidapen desonesta...
Fitxa artistikoa:
Ángel Calvente andaluziar egileak 1989an sortutako El Espejo Negro antzerki konpainiak zigilu guztiz propioa du, eta berezko hizkuntza korrosibo eta isekaria. Bere aretoko eta kaleko ikuskizunak probokatzaileak, berritzaileak eta teknikoki akatsik gabeak dira, eta antzerkia egiteko estilo eta modu bat markatu dute, konpainia txotxongilo-antzerki-estilo berri baten sortzaile gisa identifikatu, eta ikuskizunei El Espejo Negro jatorrizko deitura-marka bat ematen diena. Ospe eta oihartzun handieneko espainiar konpainietako bat eta txotxongilo-antzerkiak eskaini ditzakeen aukeren adierazle nagusietako bat. Ángel Calventeren sorkuntzak behin eta berriz laudatu dituzte kritikak eta publikoak eta 2009, 2012 eta 2022ko MAX sariak jaso dituzte. El Espejo Negro Espainiako txotxongilo-antzerki konpainia onenetako bat bihurtu dute euren lanek biltzen dituzten sorpresa eta estetikak, hamasei antzerki-ikuskizunek, telebista-saioek, nazioarteko birek eta hiru mila emanaldik baino gehiagok. Konpainiaren ikuskizunak Europa, Amerika eta Asiako programazio eta jaialdietan ibili da: Alemania, Andorra, Kanada, Danimarka, Espainia, Frantzia, Grezia, Holanda, Italia, Ingalaterra, Japonia, Portugal, Dominikar Errepublika eta Venezuela.
