Euskal Herriko Arte Garaikidearen Museoak, Artium Museoak maiatzaren 30ean zabalduko dituen bi erakusketa berri aurkezten ditu. Alde batetik, Chantal Akerman. Irudiari aurre egitea erakusketa. Lan honek Chantal Akerman zinemagilearen (Brusela, 1950-París, 2015) eta Claire Athertonen (San Francisco, 1963) arteko lankidetzatik sortutako instalazio batzuen ibilbidea proposatzen du. 

Erakusketa honekin batera, Josu Bilbaoren (Bermeo, 1978) h erakusketa aurkezten du. Bilbaoren lana artista gisa betetzen dituen espazioen behaketa kritiko eta sentsorialetik abiatzen da, eta ekintzaren eta eragingabetasun fisikoaren arteko oszilazio baten emaitza da, zeina h-n gauzatzen baita artistak erakusketa-aretoko arkitekturan bertan egin duen esku-hartzean.