Zinema mutua zuzeneko musikarekin 

Gonb: Josetxo Fdez. De Ortega (piano), Norberto Albóniga

Film mutu frantsesa, Bretainiako kostako alga biltzaileen bizitza agertzen duena. Bakartasuna, lana eta itsasoko bizimodu gogorra lantzen ditu. Zuzendaria arrantzaleekin bizitzen jarri zen hau filmatzeko. Lau arrantzaleren jarraipena egiten du: uharte batean harrapaturik daude, eta naturaren indarra erakusten duten irudi gogorrak azaltzen dira.

Nabarmentzekoa da teknika zinematografiko berritzaileak darabiltzala paisaia eta pertsonaien emozioak harrapatzeko.

Filma aurkezten duen testu batean, azaltzen da aurkeztuko den istorioa egiazko gertaeren kontakizuna dela gertakarien lekuan bizi direnek interpretatua. Hala, argi gelditzen da ikusiko duguna elementu dramatikoen eta egiazkoen uztarketa bat dela. Kontakizun bat izan da emaitza, ideia batek loturiko irudiak mugimenduan.