Mungiako San Pedro Jaiak 2025eko ekainaren 27tik uztailaren 6ra ospatuko dira. Gatibu, Süne, Mojinos Escozíos, PI LT eta Sukena izango dira kartelburuen artean, une handiak eskaintzeko promesarekin, publiko eta belaunaldi guztientzako proposamenekin.
Hala, txupinazoa 28an izango den arren, jai-egitaraua ekainaren 27an, ostirala, hasiko da, arratsaldean txosna gunean, Aurrerabeire taldearen (21:30) eta SÜNEren zuzenekoekin (23:00).
Ekainak 28: Txupinazoa eta Gatibu
Larunbatean, hilak 28, Txupinazoaren egunean, goizeko 10:00etan hasiko dira ekitaldiak, udal igerilekuan ur jokoekin, eta Kukai Dantza konpainiaren eta Euskorleans bandaren Euskorleans kale ikuskizun ibiltariarekin, 13:00etan Matxin plazatik abiatuko dena. Arratsaldean, 19:00etan hasita, erraldoi, dultzaina, koadrila eta euskal mitologiako pertsonaiekin kalejira egongo da Udaletxeraino. 20:00etan, udaletxeko balkoitik, pregoia irakurriko da, Nuria Etxegarai Carbajo eta Jon Lekanda Alcibarren eskutik. Isma Pereirak eta Lur Errokondok girotuko dute txupinazoa. Horrez gain, Ustekabe fanfarria eta Gatiburen kontzertuak izango dira Foruen plazan (22:30) eta Bidean Erromeria txosna gunean (00:00).
Ekainak 29, San Pedro eguna
Igandean, hilaren 29an, San Pedro Egunean, ekintzak hasiko dira ohiko haur parkearekin Torrebillela parkean. Ondoren kalejira eta meza nagusia Andra Mari eta San Pedro elizan, J.M. Arregi Abesbatzaren partaidetzarekin. 12:45ean ohorezko aurreskua izango da Juan XXIII plazan, Udal Musika eta Dantza Eskolaren eta Amilotx Dantza Taldearen eskutik, eta ondoren bertso saioa Andra Marin, Etxahun Lekue, Jone Larrinaga, Gorka Pagonabarraga eta Ane Labakarekin.
Arratsaldean, eskupilotako profesionalen arteko partiduak izango dira, Danbayan Batukadaren animazioa, Vaiven Circoren "Esencial" zirku eta dantza ikuskizuna eta Larrain Dantza tradizionala. 23:00etan, su artifizialak Vulcano pirotekniaren eskutik izango dira; berrikuntza gisa, su artifizialak hobeto ikusi ahal izateko, aurten kokapena aldatu eta Pradoko fabrika zaharretik jaurtiko dira. Jardunaldiari amaiera emateko, Puro Relajo (23:30) eta Kris DJ (23:30) taldeen kontzertuak izango dira txosnetan.
Ekainak 30, San Pedrotxu
Astelehenean, hilak 30, San Pedrotxu eguna izango da. Kalejirarekin hasiko da egitaraua 11:30etatik aurrera, Markeliñe Konpainiaren "Artilusio" antzerki familiarrarekin batera. Los Chimberosen kontzertuak emango dio amaiera goizeko programazioari. Arratsaldean, 19:00etan, Foruen plazan, Alaiak Mungialdeko Soinulari Elkartearen, Gure Ametsa Txistulari Taldearen eta J.M. Arregi Abesbatzaren kontzertua. Berakatz Taldeak txosna gunea alaituko du 19:30etatik aurrera.
Astegunetan
Bi eguneko geldialdiaren ondoren, uztailaren 3an, osteguna, jai-egitaraua Uriguen parkean hasiko da, 15:00etatik aurrera, Joxe Mendizabal Erromeriak girotutako Tortilla Lehiaketarekin. 18:00etan, Kepa Deuna Txapelketako finala kiroldegian eta haur jolasak txosnetan egingo dira. Jardunaldiari amaiera emateko, Amilotx Dantza Taldearen "Tresnarik Tresna" dantza ikuskizuna izango da 22:00etan Matxin plazan, eta Deabru Beltzak taldearen "Su Talka" piroteknia ikuskizun ibiltaria 23:30ean abiatuko da udaletxeko bidegurutzetik.
Uztailaren 4an, ostirala, jardunaldi dinamiko eta anitza izango da, eta gazteek, kulturak eta zirkuak protagonismoa izango dute. 15:00etan, Gazte Bazkaria izango da txosna gunean. 19:00etatik aurrera, jarduera Mungiako hainbat puntuz biderkatuko da: Bertsolariak kalez-kale abiatuko da Aitor Etxebarriazarraga eta Oihana Bartrarekin Lauaxeta kaletik, Torrebillela Kultur Etxean Gorabide Elkarteak antolatutako “Bazen Behin ¿¿¿ – Érase una vez ¿¿¿” erakusketa eta antzezlana inauguratuko da, eta Foruen plazan Buen Castigo taldearen kontzertua izango da. 19:30ean, Zirko Txosko konpainiak "Tavole" ikuskizuna eskainiko du Gamiz bideako saskibaloi kantxan. Ondoren, Goxo txarangak kaleak alaituko ditu 20:00etatik aurrera, eta gaua Akerbeltz taldearen kontzertuarekin itxiko da 22:30ean Foruen plazan eta Sukena taldearen kontzertuarekin 00:00etan txosna gunean.
Uztailak 5, larunbata: Nagusien Eguna eta Baserritarren Eguna
Larunbatean Nagusien eta Baserritarren Eguna ospatuko da, eta egun osoko jarduerak izango dira publiko guztientzat. Goizean, Beteranoen IV. Saskibaloi Txapelketa jokatuko da kiroldegian, eta Nekazaritza Azokaz gozatu ahal izango da bertako produktuen erakusketa eta salmentarekin, baita Mungiako Mikologia Elkarteak antolatutako perretxiko erakustaldi batekin ere. Halaber, Torrebillela parkean Bizkaiko Betizu Ganadu Lehiaketa eta bertako animalien eta animalia exotikoen erakusketa egingo dira. Alkartasuna kalean Artisautza Azoka, minbiziaren aurkako diru-bilketa eta bigarren eskuko liburuen salmenta izango dira eta Andra Mari eta San Pedro elizan meeza. Goiza Idoia, Miren eta Roberto Etxebarriak, Gure Ametsa Txistulari Taldeak eta Bilbotxeros taldeak girotuko dute.
Arratsaldean, adinekoentzako bazkari herrikoia egingo da Bentades Ikastetxean, eta, ondoren, erromeria Eingo Taldearekin, 3x3 saskibaloi txapelketa herrikoia, Motor Zoroak kuadrillen proba eta Areatzako Bandaren "Ameriketatik Euskal Herrira" kontzertua. Musikak kalez kale jarraituko du 20:00etatik aurrera herriko hainbat puntutan emanaldiak eskainiz eta PI.L.T. eta Mojinos Escozíos taldeen kontzertuekin amaituko da egitaraua.
Uztailak 6, igandea: Sukalki Eguna eta jai amaiera
Azken eguna uztailaren 6a izango da, igandea, Larramendi Ikastolak antolatutako Sukalki Egunarekin. Jardunaldian zehar Euskadiko Sukalki Txapelketa ospatuko da, Uriguen parkea koadrilaz eta giro ederrez beteko duena. Bestalde, musika animazioa ziurtatuta egongo da Gure Ametsa Txistulari Taldearekin, Idoia, Miren eta Roberto Etxebarriaren trikitixarekin eta Txikuri fanfarriarekin. 22:00etan, Lorratz erromeriak amaiera musikala emango dio jaiei Foruen plazan.
Eta, ohi denez, gauerdian Marijataren agurra eta zapien erreketa izango dira udaletxearen aurrean, beste behin ere San Pedro jaiak modu hunkigarrian itxiz.
