Bilboko Udalak "Eszena kalera" antolatu du berriro, Euskadiko kaleko arteen zirkuiturik handiena. Guztira, 32 emanaldi izango dira Bilboko auzoetan irailaren 1etik 30era bitartean, 17 konpainiaren eskutik. Gustu eta publiko guztietarako pentsatutako egitarauan, zirkua, magia, musika, kale-antzerkia, animazio-antzerkia, clownak, dantza, dantza bertikala edo txotxongiloak bezalako diziplina artistiko handiko showak, besteak beste, agertzen dira; eta euskaraz eta gaztelaniaz antzeztuko dira, baita batzuk elebidunak eta testurik gabeak.
Irailaren 1ean, astelehena, Zirika Zirkus taldeak "Eszena kalera" programari hasiera emango dio "Marietak zirkus" ikuskizunarekin, 19:00etan Indautxu plazan. Antzerki-zirku lana da, non maitasunaren eta elkartasunaren mugak aztertzen diren umorearen, maitasunaren eta sororitatearen bitartez. Irail osoan zehar hainbat emanaldi egongo dira hiribilbuko auzo desberdinetan, irailaren 30a arte hain zuzen. Egun horretan, Hortzmuga Teatroa ("Agurea, urpekaria eta itsasoa"), Orain-Bi ("Mute") eta La Glo Zirko Dantza ("Pyrenne") konpainien ikuskizunekin emango zaio amaiera kaleko arteen zikloari. Emanaldiak Zorrotzan izango dira, 11:00etan, Matikon 13:00etan, eta Santutxun 19:00etan, hurrenez hurren.
Eskaintzen diren jardueren artean haurrei zuzendutako zirku tailerrak daude. Zirkozaurre konpainiak egingo ditu irailaren 15ean, astelehena, 17:30etik aurrera Indautxu plazan, eta 120 minutuko iraupena izango dute. Horietan, adingabeek zirkuko elementuak praktikatuko dituzte, hala nola malabareak, oreka, akrobaziak eta aireko ariketak, beren gaitasun artistikoak eta sormenezkoak estimulatzeko eta, jolasaren bidez, zirkuaren mundura hurbiltzeko.
ESZENA KALERA 2025:
- Irailak 1 19:00etan Indautxu Plazan (INDAUTXU), ZIRIKA ZIRKUS “Marietak zirkus” ikuskizunarekin.
- Irailak 4 19:00etan Panera plazan (ZURBARAN), GANSO & CÍA. eta “Welcome & Sorry”.
- Irailak 5 19:00etan Gizakundearen plazan (ATXURI) EVA GUERRERO+PROYECTO LARRUA “Entre cuerpos + Sangre y clorofila” aurkeztuko dute.
- Irailak 6 19:00etan Funikular plaza (CASTAÑOS) ROJO TELÓN eta “Telón Gala”
- Irailak 7 13:00etan Belotaza parkean (BETOLAZA) PICUENTOS eta “Hariak Zirkus”.
- Irailak 7 19:00etan eliza ondoko plazan (OLABEAGA). GOITIBERA eta “Eraitsi SL” ikuskizuna,
- Irailak 8 19:00etan Indautxu plazan (INDAUTXU), ORAIN-BI eta "Mute".
- Irailak 9 18:00etan Levante plazan (SAN INAZIO) ROJO TELÓN y “Rojo Telón Gala”.
- Irailak 10 18:00etan Ibarrekolanda plazan (IBARREKOLANDA) GOITIBERA eta “Eraitsi SL
- Irailak 11 19:00etan Zumarraga plazan (SOLOKOETXE) LA GLO ZIRKO DANTZA eta “Pyrenne”.
- Irailak 11 19:00etan Ametzola parkean (AMETZOLA), DAB DANTZA KONPAINIA eta “NOEUD”.
- Irailak 12 18:00etan Araneko plazan (ARANGOITI) EIDABE eta “Gora bihotzak. Azken taupadak”.
- Irailak 12 18:00etan Arabella plazan (ARABELLA) HODEI MAGOAk “Harritzearen abilezia” ikuskizuna aurkeztuko du.
- Irailak 12 19:00etan Media Luna plazan (TXURDINAGA) TEATRO FIRULETE eta “Ovidio bidaiaria”.
- Irailak 13 13:00etan Media Luna plazan (TXURDINAGA) ZIRIKA ZIRKUS y “Marietan zirkus”.
- Irailak 15 17:30ean eta 19:30ean Indautxu plazan (INDAUTXU) ZIRKOZAURREK “Zirkoteka” (umeentzako zirku tailerrak) eskainiko du.
- Irailak 15 18:00eetan San Pedro plazan (DEUSTU) HORTZMUGA TEATROA eta “Agurea, urpekaria eta itsasoa”.
- Irailak 16 18:00etan Agirre Lehendakari hiribidea 184 (ELORRIETA) HODEI MAGOAk “Harritzearen abilezia” ikuskizuna aurkeztuko du.
- Irailak 17 19:00etan Iturriondo plazan (ZURBARANBARRI) HORTZMUGA TEATROA eta “El viejo, el buzo y el mar”.
- Irailak 18 19:00etan Ibaizabal Landa plaza (ABUSU) KOILARA TEATRO eta “La llegada”.
- Irailak 19 18:00etan frontoian (ALTAMIRA) EIDABE eta “Gora bihotzak. Azken taupadak”.
- Irailak 21 13:00etan La Floresta parkean (SAN ADRIAN) TEATRO FIRULETE eta “Ovidio bidaiaria”.
- Irailak 23 19:00etan Sabino Arana 50 (BASURTU) GANSO & CÍA. eta “Welcome & Sorry”.
- Irailak 23 19:00etan Karmelo plazan (SANTUTXU) HALAKO EZPALA eta “Motxila”.
- Irailak 24 19:00etan Gernika parkeko etorbidean (MIRIBILLA) ORAIN-BI eta “Mute”.
- Irailak 27 19:00etan eliza ondoko plazan (MASUSTEGI) TEATRO FIRULETE eta “El viajero y el guardavía”.
- Irailak 27 19:00etan Mena kalean (ZABALA) HALAKO EZPALA eta “Motxila”.
- Irailak 29 18:00etan eskoletako zelaian (URIBARRI) GOITIBERA eta “Eraitsi SL”
- Irailak 30 11:00etan Azoka parkean (ZORROTZA) HORTZMUGA TEATROA eta “Agurea, urpekaria eta itsasoa”.
- Irailak 30 13:00etan Uzturre plazan (MATIKO) ORAIN-BI eta “Mute”.
- Irailak 30 19:00etan Karmelo plazan (SANTUTXU) LA GLO ZIRKO DANTZA ETA “Pyrenne”.
"Eszena Kalera" bezalako ekimenekin, Bilboko Udalak hurbileko kultura-ehunari ematen dion babesa indartzen du, eta barruti ezberdinetan kultura-jardueren deszentralizazioa bultzatzen jarraitzen du. Horiek dira Bilboko Udalak abian jarritako 2023-2033 Kultura Plan Estrategikoan jasotako ildo estrategikoetako batzuk. Plan horretan, kultura hiribilduaren kohesio eta eraldaketa sozialerako elementutzat hartzen da.
"Eszena Kalera"ren programazio osoa doakoa da eta kaleko ikuskizun hauek esparru irekietan goza daitezke, aldez aurretik sarrera edo lekua erreserbatu beharrik gabe.
