"Komikiaren ezinbesteko elkarrizketak" seriea, komikiaren eta ilustrazioaren ingurukoa. Atal honetan Neil Gaiman da protagonista “Sandman” lanaren bidez.
Sandman da ospe eta sari gehien bildu dituzten komikietako bat. Ezin hobeki uztartzen ditu mitologia modernoa eta antzinakoa eta josten ditu fikzio garaikidea, drama historikoa eta elezaharrak. Ezinbesteko obra da, Neil Gaimanen talentuaren eta irudimenaren eta hark komikigile trebeenekin bideratutako lankidetzaren fruitua.
