Amets bat da Va de Bach, eta ondorioz, ez du ohiko argudio- eta narrazio-egiturarik.
Ikuskizun berri honetan, irudien bidez sentsazioak piztu nahi ditu konpainiak, eta, azken finean, besaulki-patioan esertzen den oro harriduraz hunkitu, adina gorabehera. Aracaladanza konpainiak Bach-engana jo du, lan eszenikoaren inspirazio gisa. Helburua ez da soilik Bachen musikarekin —edozein alderdi, aldaera edo bertsiorekin— koreografiak egitea, baizik eta sormenezko unibertso batean murgiltzea, begiak zabaldu eta belarriak fintzen dituenak askatasunez imajina dezan.
Edertasun sortzailea baino gehiago da Bach. Perfekzio teknikoa baino gehiago. Sakontasun intelektuala baino gehiago. Oinarri musikala baino gehiago. Garbitasun espirituala eta erabateko irudimena da. Emozio bizia. Iraultza. Haren lana, mirarizkoa eta guztiz askatzailea, adore- eta inspirazio-iturri izan da hainbat artista belaunaldirentzat. Eta, jakina, dantzan ere arrastoa utzi du.
Fitxa artistikoa:
