L 'enterrador gure memoria historikoaz ari da. Libreki oinarritzen da heroi anonimoen bizipenetan -Paternako ehorzle Leoncio Badía Navarrarenean, adibidez-, zeinek, beren erabakitasunarekin, gizatasun eta duintasunaren lekukotasuna utzi baitzuten Gerra Zibilaren eta gerraosteko izugarrikeriaren eta basakeriaren erdian. Ikuskizunean, aktore bat bakarrizketa bat prestatzen ari da, egun gutxi barru ikusleen aurrean antzeztuko duena. Berak idatzi du, gerraostean gertaera izugarriak jasan zituzten aitonari eta lagunei buruz familiak urteetan kontatu zionetik abiatuta. Antzezten duen pertsonaiak, egunero bezala, hilerrira eramaten duten fusilatuak lurperatu behar ditu. Lurperatu... edo lurpetik atera?