HIESaren historiak nire historia ere bada izeneko lana memoria, artxiboa eta gorputza uztartzen dituen obra bat da. Pieza honek HIES/VIHaren krisiaren hainbat pasarte zeharkatzen ditu —epidemia eta estigmatik hasi, medikalizaziora eta detektaezintasunaren garaira arte—, baldintza hori bizi izan duten hiru artistaren ahotsetan eta autorretratutan oinarrituta: David Wojnarowicz, Alejandro Kuropatwa eta Kia Labeija.

Eszenan, hitza koreografia zati eta azkenaldiko lanen ikus-entzunezko erregistroekin batera ageri da, performerraren bizitza-artxibo modura funtzionatuz. Mugimendua bera bihurtzen da VIHarekin bizitzearen esperientzia pertsonalaren testigantza bizia, intimoa eta kolektiboa, pertsonala eta historikoa elkarrizketan jarriz.