Piensa en Wilbur akrobaziaz, umorez eta arriskuz, arrisku handiz, betetako ikuskizuna da: Wilburrek bizitzen dakien modu bakarra. Ohiz kanpoko teknika eta itxura fisikoarekin, ezinezkoak diren egoerak sortuko ditu, eta jendea zur eta lur utziko du. Bere "lagun" banaezinekin batera: Kontrakturak, Tirakadak eta Urradurak erakutsiko digute akrobazia ez dela kirola soilik.

Ezinbesteko akrobata da, Grand Prix programan egindako lanagatik ezaguna, eta konpainia garrantzitsuetan lan egin duena, hala nola Cirque du Soleilen.