Trenque Lauquen, Laura Citarella, Argentina, Alemania,  2022, 262'

Emakume bat desagertzen da. Bi gizon haren bila ateratzen dira: biek maite dute. Zergatik joan da? Bakoitzak bere susmoa dauka, eta besteari ezkutatzen dio, misterioz, inoiz benetako lehiakide bihurtu gabe. Inork ez dauka arrazoirik... baina, norbaitek ba al du?

Ihesaldi bortitz eta ustekabeko hori fikzio ugariaren muin ezkutua bihurtzen da, eta filmak, sotilki, istorio horiek guztiak elkarlotzen ditu: beste emakume baten bihotzaren sekretua, aspaldi galdua bera ere; landa-herri baten bizitzaren sekretua, inork antzematen ez duen gertakari sobrenatural batek astindua; eta lautadaren sekretua, etengabe hedatzen eta dena irensten jarraitzen duena, ilunabar ondorengo itzalek mundua estaltzen duten bezala.

Filmaren erdian 15 minutuko atsedenaldia egingo da.