Legazpiko herrigunea zeharkatzen duen ibilbide honek XX. mende erdialdeko langile familien bizimodua erakusten du. Euskal Herriko herri askok eta horien artean Legazpik, etorkizun hobe baten bila zetozen langileen etorrera ezagutu zuten. Lantegia lan egiteko tokia zen, baina etxebizitza, eskola, ekonomatua eta gainerako zerbitzu batzuk ere eskain- tzen zituen enpresa berak. Ibilbide honetan, langile hauen egunerokoa osatzen zuten leku horiek eta FABRIKA museoa ezagutuko ditugu.