Komika bat eta komiko bat, kimika handia, oso handia dutena.
Guru eta Gorka, bi hamarkadaz parke berean, banku berean elkartzen aritu dira.
Banku horretan bakoitzak bere gauzez hitz egiten du: ezagutzen dutenaz, ikusten dutenaz, sumatzen dutenaz, esaten denaz, dakitenaz, baita ezertxo ere ez dakitenaz… baina hitz egiten dute, asko hitz egiten dute.
Eta ondorio batzuetara iristen dira.

Entzun, pentsatu, elkarrizketan aritu, eztabaidatu, dantzatu, abestu, oihukatu, negar egin.
Baina barre egin, elkar ukitu, besarkatu, musu eman, elkar maite…
Eta bizi, bizi! Bizitza hegan doa.