Joao Rosas zuzendariaren A morte de uma cidade (Portugal) filmaren proiekzioa Manteo Bizirik elkartearekin batera hirigintza, gentrifikizioa eta etxebizitzaren auziari buruz eztabaida pizteko antolatutako zikloan. 

Proiekzioaren ondorengo solasaldian Alejandro Inurrietak hartuko du parte. Ekonomia Zientzietan doktore, gaur egun Inurrieta Consultoría Integral enrpresako buru da.

Bairro Altoaren bihotzean, Lisboako erdigunean, inprenta zahar baten eraikina eraitsi eta luxuzko etxebizitza-multzo bat eraiki nahi zuten. Eraispen hori finantza-krisiaren eta, ondorioz, higiezinen eta turismoaren boomaren ondoren Lisboako heriotza erretratatzeko irudi ezin hobea dela kontuan hartuta, zuzendariak eguneroko urbano bat filmatzea proposatu zuen obraren eta bertan lan egiten dutenen bizitza erretratatzeko.