Igor Calonge koreografo eta dantzariak sortutako Cielo Raso konpainiaren azken sorkuntza da Euforia, eta haren ingurukoak ezagutzeko eta sortze prozesuaz ikasteko entsegu irekia eskainiko du taldeak.

Ekintza bakoitza ordena zehatz batean antolatuta dago, obran zehar hazten doan erritmo konstante baten zain. Dantzariak agertokira sartu eta bertatik ateratzen dira, aurrekoak uzten duen paisaia ekintza berri batekin etengabe aldatuz. Euforiak askatasunaz, edertasunaz, denboraz eta maitasunaz hitz egiten du.