Eli Pagola bertsolari eta kazetaria kolaboratzailea da Argia, Naiz eta Naiz Irratia hedabideetan, eta krisi ekosozialari buruzko “Gelditu makinak” irratsaioa zuzentzen du azken horretan; bada, berak gidatuko du Araba Bizirik lurraldearen aldeko mugimenduko militante Rebeka González de Alaiza Pérez de Villarreali zuzenean egingo zaion elkarrizketa hau. Araba Bizirik kolektibo plural eta anitza da, eta Arabako hainbat eskualdetako herritarrek eta auzo-plataformak osatzen dute. Lurraldea makroproiektu energetiko eta industrialetatik babesteko borrokatzen du kolektiboak, makroproiektu horiek arriskuan jartzen dituztelako bai oreka ekologikoa, bai bizimodu landatarra, bai ingurunean eragiten duten erabakiak hartzeko parte-hartze demokratikoa.