Arineketan bikote ezagunak -Iñar Sastre pianojoleak eta Jagoba Astiazaran txistulariak osatua-  euskal tradizio herrikoia berrinterpretatzen du, publiko eta belaunaldi berrietara egokituz.

Diziplina anitzeko ikuskizun honetan ahaztutako abestiei bigarren bizi bat ematen zaie jazz, pop, erritmo latino eta rap estiloen bidez Xabier Zeberio eta Agate Amilibia musikari zoragarriak, Oihana Iguaran bertsolaria eta Haatik Dantzako dantzarien eskutik.

2020an Arineketan taldearekin debuta egin zuenetik, musikari bikoteak bere tokia egin du euskal musikagintzan. Horren erakusle da 2021ean eskuratutako Musika Bulegoa Saria, taldearen zuzeneko deigarriagatik eta ikuspegi berritzailea eta musika tradizionala berritzeko konpromisoagatik.