New Yorkeko oihanaz nekatuta, aurreztutako diruarekin, Iowako bere jaioterrira itzultzea erabaki du Susan Applegate gazteak. Baina geltokira iristean, bidaiaren prezioa igo egin dela ikusita, mozorrotzea erabakitzen du, hamabi urteko neskato baten itxurak eginez txartelaren erdia ordaintzeko. Hala, Kirby maiorraren konpartimentuan aurkitzen du babesa, eta, nahaste batzuen ondorioz, behartuta ikusten da hari laguntzera lan egiten duen haur-akademia militarrera. Wilderrek Estatu Batuetan zuzendutako lehen filma, Charles Brackett ohiko kolaboratzailearekin batera idatzia.

Fitxa teknikoa:

• AEB.
• Zuzendaritza: Billy Wilder.
• Ekoizpena: Arthur Homblow Jr. / Paramount Pictures.
• Gidoia: Billy Wilder, Charles Brackett eta Edward Childs Carpenter, Fannie Kilbourneren Sunny Goes Home ipuinian eta Edward Childs Carpenterren Connie Goes Home antzerki-lanean oinarriturik.
• Argazkia: Leo Tover.
• Musika: Robert Emmett Dolan.
• Muntaketa: Doane Harrison.
• Aktoreak: Ginger Rogers, Ray Milland, Rita Johnson, Robert Benchley, Diana Lynn.