2026 urteko amarauna familientzako programa datorren larunbatean, otsailak 21, abiatuko da Bach Desbariazioak kontzertu parte-hartzailearekin. Andrea Berboisek eta Peru Galbetek biolinerako atondutako kontzertu honek Morton Feldman, Giacinto Scelsi, Johann Sebastian Bach eta Helmut Lachenmann musikagileen lanak oinarri hartu eta keinu musikalaren eta gorputzaren arteko mugak zeharkatzen ditu. Hainbat obra klasikoren bidez, ikuskizunak gai asko jorratuko ditu: komunikazioa/inkomunikazioa, entzutea, adiskidetasuna, desadostasuna, polaritateak edo hauskortasunaren indarra. Bach Desbariazioak-en ahots bakoitzak bere erritmo eta frekuentziak ditu. Adierazpenak hedatu eta gainjarri egiten dira, soinua gorputzarekin eta haren mugekin estuki lotzen den bibrazio-prozesu batean. Biratze, metaketa eta ahokatzeen bidez, keinua eraldatu egiten da, eta horek gorputzaren pertzepzioaren eta memoriaren lekualdatzea dakar.

Andrea Berbois Laspiur (Eibar, 1988) musikaria eta artista da, Tripak kolektiboaren kidea. Gorputzaren eta soinuaren bidezko presentzia eszenikoa da haren praktikaren ardatza, memoriaren materialak erabiliz eta gaur egunera ekarriz. Peru Galbete (Usurbil, 1987) musikaria da. Ahotsarekin eta irudiarekin lan egiten du, eta ahots-esperimentazioa, inprobisazioa, performancea eta kantuaren iragazkortasuna interesatzen zaizkio.

Otsailaren 21ean, 17:00etan
Bach Desbariazioak. Andrea Berbois & Peru Galbete. Kontzertu fisikoa
Parte hartzeko jarduera euskaraz. 4 urtetik gorako haurrentzat, heldu bat lagun dutela

6 urtetik gorako haurrentzat (ziurtatu ikuskizun bakoitzean, salbuespenak egon daitezke eta), heldu bat lagun dutela.
Sarrera doan, toki mugatua. Erreserba egitea gomendatzen da, 945 20 90 20 telefonoan (jarduera hasi baino hamar minutu lehenago arte gordeko dira erreserbak)