Gaur egungo popari eskainitako BBK On Stage zikloak Marlon (apirilak 11), Kitty, Daisy & Lewis (apirilak 30), Tu Otra Bonita (maiatzak 22) eta Salistre (maiatzak 23) izango ditu 2026an.

MARLON Asturiasko pop-rock taldea da, melodia itsaskorrek eta emozioz betetako letrek bereizten dutena. Soinu fresko eta hurbilarekin, taldeak erraz egiten du publikoarekin bat, maitasunari, desamodioari eta eguneroko bizipenei buruzko abestien bidez. Zuzeneko emanaldietako indarrak eta etengabeko bilakaerak gaur egungo pop eszenako talde ezagunenetako bat bihurtu dute.