2026ko Poltsiko Antzerkiaren Jaialdiaren barne.

Ardo ona eskatzeko era da eskailerapekoa eskatzea, eta ardo ona bezalaxe ondu dute Idoia Torregaraik eta Mirari Martiarenak euren laugarren bakarrizketa ikuskizuna. Elkarrekin oholtzan bakarrizketak egiten daramatzaten 8 urteetan ondu dira beraiek eta euren umore fina. Ardoa bezalaxe. Ibilbide horren hurrengo koxka da Eskailerapekoa.

Oraingoan ere eskailerapean, ezkutatua dauden gaiak, bizipenak, krisiak eta aukerak kontatuko dizkigute. Kritika eginez, deseraikiz eta nola ez, barre eginez!