Malena Alterio Gayarrera itzuliko da Carmen Ruizekin batera. Adiskidetasuna eta literatura aparteko zerbait bezala indarka sartuko dira antzezlan honetan. Bi bizimodu arrunt. Sari handirik, historia tragikorik, abentura ahaztezinik gabe. Aurora eta Blanca betidaniko lagunak dira. Biak ala biak toki berekoak dira. Aurora irakaslea da, hiriz aldatu da, ezkondu da, semea dauka, maitalea, senarra. Eta poesia idazten du. Blanca jostuna da, amarekin bizi da, ama hil egin da, mutil-laguna dauka, gero beste bat, gero beste bat, beti sufritzen ari da. Eta honek ere poesia idazten du...