Oiassok Museoen Nazioarteko Eguna ospatuko du bere 20 urteko ibilbidea gogoratuz eta kulturartekotasunarekiko konpromisoa indartuz. Aurten "Museoak mundu zatitu batzen" lelopean ospatuko da, arkeologia, oroitzapena eta gizarte-ekintza uztartzen dituen programazio bereziarekin eta, aldi berean, bere 20. urteurrena herritar guztiei irekitako hainbat jarduerarekin.
'Museoak mundu zatitua batzen' lelopean, museoak lankidetza-hitzarmen bat sinatu du Elkarrekin kooperatibarekin, jatorri desberdineko familien artean gizarteratzea eta kulturarako sarbidea sustatzeko. Edizio honetako leloa museoek komunitateen arteko zubiak eraikitzeko, elkarrizketa sortzeko eta gizarte-kohesioari laguntzeko gai diren espazioak direla azpimarratzen du, aniztasunak eta erronka globalek markatutako testuinguru batean. Akordioari esker, 'Ongi Etorri Eskolara' proiektuko "Familia Laguna" programan parte hartzen duten familiek museoko jardueretara sartu ahal izango dute. Hain zuzen ere, familia horiek larunbatetan egiten den ARKEOLAB tailer familiarrean parte hartuko dute, baita erakusketa iraunkorra bisitatu ere. Programa honek gizarte- eta hezkuntza-laguntza sustatzen du, familia migratzaileen eta antzeko adinetako seme-alabak dituzten tokiko familien arteko loturak sortuz, hurbiltasun-harremanak eta komunitatean integratzeko prozesuak erraztuz.
