Gorantz doan ahots handietako bat, lirismoa, presentzia eszenikoa eta musikaltasun fina biltzen dituena.
Iris Candelaria soprano hispano-finlandiarrak, Europako panorama lirikoan goraka doan etorkizun handiko ahotsak, Arriaga Antzokian egingo du debuta, Rubén Fdez. Aguirre piano-jotzaileak lagunduta. Helsinkiko Sibelius akademian graduatu zen. Hainbat rol interpretatu ditu, hala nola Zerlinarena (Don Giovanni) eta Constance (Dialogues des Carmélites), Finlandiako Opera Nazionalean, eta Kantari Gazteen programa ospetsurako ere hautatu dute bertan.
Kontzertu honetan, lieda eta kontzertu-abestia uztartzen dituen programa finaz gozatu ahal izango du publikoak, espainiar eta finlandiar errepertorioari arreta berezia eskainiko diona. Egiten dituen errezitaldietan, Irisek liluratu egiten du bere lirismoarekin, presentzia eszenikoarekin eta musikaltasun finarekin. Ruben Fdez. Aguirrek pianoan duen maisutasunarekin batera, sentsibilitatea, teknika eta emozioa izango dira nagusi emanaldian.
Beraz, aukera ederra izango da, nazioarteko hedapen betean dagoen artista hori gertutik ezagutzeko, gure Lied Arriagan ziklo berezi honetan.
