The Palestinian Museum Digital Archivek utzitako argazkiek osatzen dute Nire istorioa kontatzeko erakusketa.

Komisarioa: Pablo Lorca.

Erakusketak palestinarren eguneroko bizitzaren historia bat kontatzen du, munduari erakusten zaizkion beldurrezko irudietatik haratago. Ehundik gora familia-argazki utzi dituzte Palestinako Museoan, Birzeiten, eta horrek beren historiara zuzenean hurbiltzea ahalbidetzen du. Palestinar herriaren memoria jazarria babesteko pazientzia handiz bildutako artxiboa -suntsiketak ez die soilik bizitza, eraikin eta azpiegiturei eragiten, baita bere existentzia hutsaren lekuko den dokumentazioari ere-.