2026ko ABAO Basque Musikaste jaialdiaren barne.

Gipuzkoako Foru Aldundiaren laguntzarekin, ekainaren 4an, Euskal Herriko Goi Mailako Musika Ikastegiak, Musikenek, Steven Lin Solanaren bisita hartuko du bi jarduerarekin: bata pedagogikoa eta bestea artistikoa. Taiwango jatorria duen pianista estatubatuarrak hiru masterclass emango dizkie zentroko piano-ikasle aurreratuei, nazioarteko proiekzioa duen interprete batekin harreman zuzena izateko aukera aparta eskainiz.

Arratsaldean, errezitaldi bat eskainiko du, pianorako errepertorioaren hiru mende zeharkatzen dituen bidaia musikal gisa pentsatua. Egitarauan izango dira Mozart, Chopin, Albéniz, Beethoven, Liszt eta Gershwinen lanak. Programa horrek bere belaunaldiko musikaririk ospetsuenetako baten heldutasun artistikoa eta interpretazio-nortasun berezia berresten ditu.