Ekainaren 4tik 6ra, Durangok 2026ko Afrikaren Eguna ospatuko du, herritarrak Afrikako kultur aniztasunaz sentsibilizatzea eta udalerriko komunitateen arteko bizikidetza sustatzea helburu duen ekimena. Ospakizun honek programazio zabala barne hartzen du, hiru eremutan garatzen dena: hezkuntza, herritarren jarduerak eta gizarte eta kultura.
Hezkuntzaren arloan, Durangoko ikastetxeek aktiboki parte hartuko dute ikasleak Afrikako kulturara eta diasporako errealitatera hurbiltzeko diseinatutako jardueretan. Proposamen horien artean, zinema-emanaldiak nabarmentzen dira. Film laburrak eta luzeak izango dira, zuzendarien aurkezpenekin batera, eta ikasleek Afrikako hainbat herrialdetako kontakizunetan eta esperientzietan sakontzeko aukera izango dute.
Herritarren eremuan, herritarrek ekainaren 4an, osteguna, Zugaza zineman izango diren emanaldiez gozatu ahal izango dute, 19:00etan hasita, Les Enfants de la Diaspora (8’) film laburraren inaugurazioarekin eta Sabrina Onana zuzendariaren aurkezpen telematikoarekin, eta, ondoren, Los Cayucos de Kayar (29’) Thimbo Samb zuzendariaren aurkezpen presentzialarekin. Jardunaldiari amaiera emateko, solasaldia egingo da 20:00etatik 21:30era, filmetan jorratutako gaietan sakontzeko.
Eremu sozial-kulturalean, Durangon hainbat jarduera egingo dira asteburu osoan zehar Andra Mari eta Landako Gunean. Ekainaren 5ean, ostirala, 20:30ean, Jeffrey Nku (Ghana) krista musika garaikidea eta adoraziokoa, eta Weblezz Owen (Nigeria) Afrobeat R&B de Benin taldearen kontzertuak izango dira. Ekainaren 6an, larunbata, Andra Marin, eguna 11:45ean hasiko da Batukadaren animazioarekin, ondoren MLOMP senegaldar taldearen dantzaldia 12:30ean eta Durangoko elkarte afrikarren adierazpena 12:45ean. 13:00etan MLOMP taldearen bigarren emanaldia izango da, jarraian 13:45ean Batukada taldearen kalejira Landakora. Landakon, 14:00etan herri bazkaria izango da eta 16:00etan DJ Gabyren saioa. Ospakizuna Andra Marin amaituko da 20:30etan Mame Cheikh senegaldarraren dantzaldiarekin (SABAR).
2026an, erakunde laguntzaileak, Durangoko Udalarekin batera, honakoak dira: Mlomp Cultural Elkartea, La Paz Amor Ghanako Lagunen Elkartea eta Sen Euskadi Anaitasuna Senegali Laguntzeko Elkartea.
