Frankie, Ira Sachs, Frantzia, Portugal, 2019, 100'

Frankie-k Portugalgo Sintra herri mitikoan, uda amaierako egun batean garatzen den istorioa kontatzen du. Bertan familia matriarkak (Isabelle Huppert) antolatu dituen oporretan elkartu diren hiru belaunaldi jarraitzen dira.

Ipuin batekoa dirudien leku honetan, pertsonaia desberdinak —senarrak eta emazteak, gurasoak eta seme-alabak, lagunak eta maitaleak— beren inpultsu erromantikoek bultzatuta mugitzen dira, eta haien artean dauden arrakalak nahiz ustekabeko sentimendu sakonak aurkitzen dituzte.

Filmean Sachsen ohiko aktoreak daude: Marisa Tomei, Greg Kinnear, Brendan Gleeson, Jérémie Renier, Pascal Greggory eta Vinette Robinson.