Bost Punta jaialdiak edizio berri bat egingo du abuztuaren 4tik 20ra Ziudadelan, Harresien Jaialdiaren barruan. Dantza eta akrobaziekin konbinatutako kaleko eta zirkuko arteen hainbat ikuskizun izango dira abuztuan, 20:00etan.

Abuztuak 6, osteguna

Aske. Asvin & Pia konpainia.

Zirku-ikuskizun garaikide, bisual eta poetikoa da, eta eraldaketa bizitzaren esentzia gisa aztertzen du. Aire kapsulatuz egindako pertsonaia da protagonista, haztean etengabeko itxuraldaketak izaten dituena.  Galeraren eta aukeraren inguruan hausnartzen du obrak, eta giza-eboluzioa irudikatzen du ezezagunerantz egindako etengabeko aurrera egite gisa.