Udako Zoroen gaua Dantza Zoroan jaialdiaren barruan egiten den ekitaldia da. Eguzkia sartzean eta aurreko dantza-piezak ikusi ostean, publikoak, dantza eta gorputz-mugimenduak baliatuta, aukera izanen du musika elektronikoko proposamen berritzaileetan parte hartzeko eta haiekin elkarreragiteko.

Jarduera guztiak doan dira.

PROGRAMA

Abuztuak 8, larunbata

Ope Loeb.

Bobby García

OPE LOEB

Ope Loebek askapenerako eta partaidetzarako tarte bat aurkitzen du musika elektronikoan, eta dantza-pistari lotutako komunitate batekin konektatzen du, batez ere.

Haren sekuentziak azpibaxu sakonetan, erritmo hipnotikoetan eta narratiba emozional baten inguruan ardaztutako soinu-bidaia gisa eraikitzen dira.

Mugarik gabeko hautaketa batean, UK Bass, Dub eta Breaks testuren erritmo taupakariak, housearen soinu liluragarriak eta atmosfera esperimentalagoak uztartzen ditu.

BOBBY GARCÍA

Bobby García Discos Paradisoko eszenari estuki lotutako DJ bat da, bere moldakortasunagatik eta dantza-pistaren aurrean duen ikuspegi finagatik ezaguna. House, disko, balearic eta * leftfield* taldearen moldeko soinuen artean erraztasunez mugitzen denez, gauzaleen artean eta Bartzelonako zirkuitu kulturalean ohiko figura bihurtu da.

Urteetan zehar, Sónar, Primavera Sound, BIME eta Días de Campo jaialdi eta ekitaldietan parte hartu du, besteak beste.

Abuztuak 15, larunbata

Hermetica

Kenya Arakama

HERMÉTICA

Hermética bere burua “musika-nahasketen egile eta bildumagile” gisa definitzen duen queer artista bat da, eta Detroiteko ondarean eta soinu elektroniko klasikoetan sakonki errotutako sekuentziak eskaintzen ditu. Aldakortasuna eta zehaztasun teknikoa dira bere sekuentzien ezaugarri nagusiak, eta arreta handiz hautatzen ditu abagune bakoitzean erabiliko dituenak. Techno- eta house-musika, doinuak, loopak eta gai atenporalak soinu berritzaileekin uztartzen ditu atmosfera paregabea sortzeko.

KENJA ARAKAMA

Kenya Arakama Gasteizko disko-jartzailea da. Gaur egun Bartzelonan bizi da eta haren saioengatik da ezaguna; izan ere, naturaltasunez arakatzen ditu techno-musikaren alderdi guztiak. Detroiteko eta Erresuma Batuko soinu-paisaien eragin nabarmena da haren soinuaren ezaugarri nagusietako bat, biak ikuspegi garaikide eta abangoardistaz uztartuta. Oso gaztetatik, lotura sendoa landu zuen musikarekin, aitaren eta piano klasikoko eta jazzeko ikasketen eraginez.  Elementu horiek bere sentsibilitate artistikoa blaitu zuten gerora.

Abuztuak 22, larunbata

Bihotza

Neska

BIHOTZA

Bihotza 2005ean hasi zen bere lehen saioak egiten Malasañako gau madrildarretan, “Elektronika Sozialaren” bidez, pistarekin elkarrizketa sortzeko, haren indarra hautemateko eta klubeko komunitatean eta elektronikan sortzen diren balioak sustatzeko asmoz. Nabarmentzekoak dira haren hautaketen dotorezia eta saioetara bertaratzen direnei eskaintzen dien bidaia.

Darkwave, chung, minimal, rave, slow techno, progresiboa… soinu ilunak, sendoak, guztiak sartzen dira bere estiloan. Hautatzaile handi bat da, pistak beti eskura dituena, eta bateriak eta baxu-lerroak presente egon ohi dira bere aukeraketan.

NESKA

Neska liluratzen eta harritzen duten saioak eskaintzeko murgiltzen da musikan. Amsterdamen bizi den euskal DJ eta ekoizle hau musika klasikoan, jazzean eta punkean oinarritzen da, generoak uztartu eta esperientzia psikodeliko bihurtzen diren bidaia musikalak sortzeko. Dekmantel Selectors eta Draaimolen bezalako jaialdi ospetsuetan emanaldiak egin berria da, eta oso azkar ari da Europako musika elektronikoaren promesetako bat bihurtzen. Gainera, Fauna & Flora antolatzen du, abangoardiako diziplina anitzeko ekitaldi bat, eta Neskafe saioa aurkezten du Echobox Radio Amsterdamen egiten ari den radar estiloko musika-egonaldian.